Таныш булығыҙ: «Шәкерт»

Шәкерт Шакирд

Әссәләмү ғәләйкүм үә рәхмәтуЛлаһи үә бәрәкәтүһү! «Ваҡыт!» гәзитенә яңы ҡушымта өҫтәлеп сыға башлауына иғтибар иткәнһегеҙҙер. Иншә Аллаһ, был шулай даими ҡушымта булыр. Йәғни, кем «Ваҡыт!» гәзитенә яҙыла, ул шул рәүешле «Шәкерт»те лә уҡып бара аласаҡ.

«Ни өсөн кәрәк булды был? Был ике гәзит бер-береһенән нимәһе менән айырыла?» — тип аптырарһығыҙ.

Беренсенән, был ике гәзитте төрлө коллективтар сығара. «Ваҡыт!»ты башлыса Өфөлә эшләһәләр, «Шәкерт» иһә Мысырҙа ижад ителә. Алыҫ аранан тороп бергә эшләүе ҡыйыныраҡ, шуға күрә гәзит эсендә махсус ҡушымта сығара башлау – был йәһәттән бик отошло һәм уңайлы вариант.

Икенсенән, «Ваҡыт!»тың нәшер ителеүенә инде дүрт йыл тулды. Был үҙе ярайһы уҡ оҙон ғүмер. Был ваҡыт эсендә Башҡортостанда дин хәле лә бер ни тиклем үҫеште, аудитория ла үҙгәрҙе. Элек башҡортса дини баҫма сығыуы – үҙе үк ҙур ҡыуаныс булһа, хәҙер инде материалдарҙың сифаты һәм йөкмәткеһе яғынан яңы кимәлдәр тураһында уйлай башларға ваҡыт. Был махсус ҡушымта – ана шул яңы кимәлгә үрләп маташыуҙың бер күренеше ул.

Больше

Әҙәпле ҡатын-ҡыҙ – хазина

 («Ваҡыт!» гәзите,  №7-8 (38-39), 27.07.2012)

Башкирка в хиджабе

«Йүрүҙән»дең былтырғы һанында хәбәрсебеҙ Айҙар Ноғаманов «Яулыҡ, дини байрамдар кемгә ҡамасаулай?» мәҡәләһендә мосолман йәштәре проблемаһын күтәргәйне. Ошо мәҡәләгә ҡарата гәзит уҡыусылар үҙ фекерен яҙып ебәрҙе. Шуларҙың береһен был һанда тәҡдим итәбеҙ.

Больше

Яулыҡ, дини байрамдар кемгә ҡамасаулай?

(«Ваҡыт!» гәзите, №7-8 (38-39), 27.07.2012)

Башкортостан хиджаб

Беҙ был («Яулыҡ, дини байрамдар кемгә ҡамасаулай?» һәм «Әҙәпле ҡатын-ҡыҙ – хазина» тигән) мәҡәләләрҙе Салауат районының урындағы башҡорт баҫмаһы – «Йүрүҙән» гәзитенең интернет-сайтынан алдыҡ. Аңлауыбыҙса, уларҙа «Иман» рубрикаһы актуаль темаларға һәм көслө, үткер итеп яҙылған материалдарға бай. Шуларҙың араһынан мосолман башҡорт халҡы өсөн иң ауыр һәм иң оят темаларҙың береһе булып ҡала килгән яулыҡ (хиджәб) мәсьәләһенә ҡағылышлыларын үҙебеҙҙең гәзиттә лә тәҡдим итмәксебеҙ. Ниңә район һәм ауыл кимәлендәге бәләкәй түрәләр тарафынан яулыҡ ябынған ҡатын-ҡыҙҙарға ҡарата агрессив көрәш бара – бөгөн дөйөм халыҡ алдында ҡалҡып сыҡҡан ошо ҙур проблемаға иғтибар йүнәлтелгән был мәҡәләләрҙә. Авторҙарҙың береһенә эйәреп, беҙ ҙә, «Ваҡыт!» гәзите, үҙ уҡыусыларыбыҙҙы ошо көнүҙәк мәсьәлә буйынса фекер алышырға саҡырабыҙ. Ә «Йүрүҙән» тигән яҡшы гәзит сығарыусы коллегаларыбыҙға, Аллаһы Тәғәлә иман, сәләмәтлек һәм бәрәкәт бирһен, тип теләп ҡалабыҙ.

Больше

Ниңә кеше намаҙҙан ҡурҡа?

(«Ваҡыт!» гәзите, №3 (34), 19.04.2012)

Ниңә кеше намаҙҙан ҡурҡа

Бөтәбеҙ ҙә яҡшы беләбеҙ, мосолман кеше – ул намаҙ уҡыусы кеше. Дин тураһында һүҙ сыҡһа, беребеҙҙән икенсебеҙ арттырып һөйләргә әүәҫ. Кемгә кәрәкһә, динде шуға аңлатабыҙ. «Улай булғас, ниңә үҙең намаҙ уҡымайһың һуң?» — тип һораһаң, намаҙ уҡымаҫҡа тауҙар хәтле сәбәп эҙләп сығаралар. Күрәһең, кеше, һөйләй-һөйләй, аҡлана-аҡлана, Хужа Насретдин кеүек үҙе лә шуға ышана башлай. Беҙҙең был холҡобоҙҙо белгән Раббыбыҙ: «(Ҡайһы бер кешеләр) шулай Аллаһты һәм мөьминдәрҙе алдарға теләй, әммә ысынында улар үҙ-үҙҙәрен генә алдайҙар», — тигән (Ҡөрьән, «Һыйыр» сүрәһе, 2:9).

Кеше ниңә намаҙ уҡыуҙан ҡурҡа һуң? Аллаһы Тәғәлә быны ике яҡтан сығып аңлатты.

Больше

Мосолман ир-егет алтын йөрөтмәҫ

Алтын ир-егеткә харам

ҺОРАУ: Әссәләмү ғәләйкүм! «Мосолман ир-аттарға алтын балдаҡ кейергә ярамай», — тип ишеткәнем бар. Дүрт йәшлек малайыма өшкөртөлгән алтын беләҙек кейҙерәйем тигән инем, ул да ярамай килеп сығамы? Рәхмәт.

ЯУАП: Үә ғәләйкүм әссәләм! Мосолман ата-әсә үҙ балаларын бәләкәй сағынан ислам дине нигеҙҙәрендә тәрбиәләп үҫтерергә тейеш. Һәм быны, әлбиттә, баланы һәр ваҡыт тыйып, сикләп йөрөтөп түгел, ә тейешле әҙәп, мөхәббәт, наҙ, ҙур иғтибар күрһәтеп эшләргә кәрәк.

Һеҙҙең һорауға килгәндә, ата-әсәгә үҙ улдарына алтындан эшләнгән биҙәүестәр һәм, шулай уҡ, ебәктән (русса – шёлк) кейем кейҙерергә тейеш түгел. Был ҡанун түбәндәге билдәле хәҙистән килә: пәйғәмбәребеҙ Мөхәммәт  уң ҡулына – ебәк, ә һул ҡулына алтын алған да: «Был ике нәмә – минең өммәтем ир-аттары өсөн харам», — тигән (Әхмәд, Әбү Дауыт, Ән-Нәсәи, Ибн Мәджәһ хәҙис йыйынтыҡтарынан, яҡшы хәҙис). Йәғни, ир балаларын алтындан-ебәктән кейендереп, ата-әсә, һөҙөмтәлә, үҙ өҫтөнә гонаһ ала, тип һығымта яһарға ҡала. Ә егет кеше үҙе бик тә бик теләй икән, көмөштән, еҙҙән дә бына тигән биҙәүестәр тағып йөрөргә мөмкин.

Больше

«Ваҡыт!» гәзите тураһында

(«Ваҡыт!» гәзите, №5 (84), 24.03.2014)

«Ваҡыт!» иғлан афишаға

Был битте ауыл һәм ҡалаларҙағы иғлан таҡталарына йәбештереп сығырға мөмкин

Әссәләмү ғәләйкүм, дин ҡәрҙәштәрем! Аллаһы Тәғәләнең ярҙамы менән беҙ эшебеҙҙе дауам итеп торабыҙ – «Ваҡыт!» гәзите, беҙҙе ҡыуандырып, килә, уны уҡып торған яҡташтарыбыҙҙың дини ғилеме лә арта, тип ышанабыҙ. Ислам диненең үҫеше ҡыйынлыҡһыҙ булмаһа ла, барыбер ҡыуандыра – күп милләттәштәребеҙ иманға ҡайтып, намаҙға баҫа. Пәйғәмбәрҙәрҙең эштәрен дауам итеп, кешеләргә дини белем еткереүсе, Ҡөрьән хеҙмәтен башҡарыусы ҡәрҙәштәребеҙгә рәхмәт белдерәбеҙ, уларҙың үҙҙәренә һәм ғаиләләренә Аллаһы Тәғәләнең ярҙамын һорайбыҙ. Амин.

Ошо изге эш – туғандарыбыҙға, дуҫтарыбыҙға һәм яҡташтарыбыҙға Исламды өйрәтеү (дәғүәт ҡылыу) – ул, ысынлап та, иң сауаплы һәм бөйөк эштәрҙең береһе. Был эш бынан алда йәшәп киткән бар пәйғәмбәрҙәргә лә йөкмәтелгән булған. Ә пәйғәмбәрҙәргә ярҙамсы булып динде аңлатҡан кешеләр тураһында ошондай хәҙис бар: «Минән бер генә аят булһа ла еткерегеҙ». Шулай уҡ Пәйғәмбәребеҙ ﷺ Ғәли ибн Әбү Талибҡа: «Аллаһы Тәғәлә һинең аша бер генә кешене булһа ла тура юлға күндерһә, был һиңә ҡыҙыл дөйәләргә эйә булыуҙан да хәйерлерәк булыр», – тигән. Ошо һәм башҡа хәҙистәрҙе иҫтә тотоп, беҙҙең өҫтөбөҙҙә ятҡан яуаплылыҡты аңлап, матур һүҙҙәр һәм күркәм холҡобоҙ менән кешеләрҙе Аллаһ юлына саҡырайыҡ, мосолман ҡәрҙәштәрем.

Больше

Һаҡ булығыҙ: «батасылар» сектаһы!

Һаҡ булығыҙ: батасылар сектаһы

Бисми-Лләһи-ррахмәни-ррахим! Бөйөк һәм Ҡөҙрәтле, Рәхимле һәм Мәрхәмәтле Аллаһ исеме менән башлайбыҙ. Ул – ысын күңелдән хаҡиҡәт эҙләгәндәрҙе тура юлға күндереүсе, һәм Ул – үҙ нәфселәрен юғары ҡуйғандарҙы яҙыҡ юлда ҡалдырыусы.

Һуңғы тиҫтә йыл Башҡортостанда, бигерәк тә Урал аръяғы райондарында, киң таралыу алған «батасылар» сектаһы тураһында һәр кем инде ниндәйҙер кимәлдә хәбәрҙарҙыр. Улар дин исеме менән ҡапланып, халыҡ араһында күрәҙәлек, сихыр, ендәр менән аралашыу, ҡәберҙәргә табыныу кеүек көфөрлөк ғәләмәттәрен тараталар. Кешеләрҙең дини яҡтан ғилемһеҙ һәм шул сәбәпле төрлө «мөғжизә» күрһәтеүселәргә тиҙ ышанып барыусанлығы менән файҙаланып, үҙҙәренең сафтарын арттыралар, ә был хәрәкәтте ойоштороусылар иһә кеҫәләрен ҡалынайта. «Иман юлына баҫтым», — тип алданған кеше, эйе, бәлки, эсеүен дә ташлайҙыр, намаҙын да уҡый башлайҙыр, әммә белегеҙ: был «батасылар» саҡырған дин Ислам түгел, ә мәжүсилек, улар менән аралашыусы сихри көстәр иһә әүлиәләр түгел, ә кафыр ендәр.

Больше

Previous Older Entries

Отслеживать

Get every new post delivered to your Inbox.